शिक्षणसंजीवनी APP

@ "खिचडी शिक्षणाची "@ सरकार बस झालं आता खिचडी शिजवायचं ..! गोरगरिबाच्या पोराना आम्ही सांगा कधी शिकवायचं ..? तुमच्या साचलेल्या अनुदानास फुटतील बासमतीचे कोंब , टिचभर पोषणासाठी गावभर इथं मारावी लागतीय बोंब , गुणवत्तेचं हे घोंगडं आणिक किती दिवस भिजवायचं ..! गोरगरिबाच्या पोराना आम्ही सांगा कधी शिकवायचं ..? आणखी किती दिस चालणार वाढत्या योजनांचा जुगार , कधीतरी होऊ द्या वेळेत शिक्षकाचा थकलेला पगार ..! एकाच गुरुजीनं ं सांगा किती ठिकाणी उगवायचं .... सरकार बस झालं आता खिचडी शिजवायचं ..! आज गुरुजी शिकवणार म्हणुन पोरंही वाट बघती बिचारी ... किराणाचा हिशोब .. व्यवस्थेनं केलाय ' आचार्याचा आचारी ' कागदावरचं सरकारी अभियान कसं समाजासमोर टिकवायचं ? गोरगरिबाच्या पोराना आम्ही सांगा कधी शिकवायचं ..? गुणवत्तेच्या पोषणास आतातरी द्या शिक्षणाच्या खिचडीतून वेळ शासनाचा घरगडी बनवून त्याच्या आयुष्याचा नका मांडू खेळ 'सारे शिकुया पुढे जाऊया ' पिक सगळ्यांनी मिळून पिकवायचं सरकार बस झालं आता खिचडी शिजवायचं ..! (शिक्षक कवी - संजय जगताप ) (९७६२१८१७०६ ...

देशासाठी पर्वा न केली तनाची , आठवण ठेवा शिवरायांच्या गुणाची ॥धृ॥ जिद्दीने लढला तो शिवराणा, वै-याला दाखवला खंबीरपणा , बोटे तोडली त्याने शायिस्तेखानाची . आठवण ठेवा शिवरायांच्या गुणाची ॥१॥ पहार वाकवी अफजलखान , पैजेला उचलून दरबारी पान . बाजी लावलीया जीवानं , प्रतापगडच्या रानाची . आठवण ठेवा शिवरायांच्या गुणाची ॥२॥ आधी लग्न कोंढाण्याच, मगच माझ्या रायबाचं . लढता लढता अमर झाला त्या तानासारख्या सिंहाची आठवण ठेवा शिवरायांच्या गुणाची ॥३॥ आशिर्वाद त्या माऊलीचा , पुत्र शोभे जिजाउचा , स्वराज्य रक्षण्या पुन्हा घेउनी ये तलवार शिवाई देवीची आठवण ठेवा शिवरायांच्या गुणाची ॥४॥ देशासाठी पर्वा न केली तनाची , आठवण ठेवा शिवरायांच्या गुणाची ॥धृ॥ .   . .  :- संजय वसंत जगताप जि.प.शाळा अहिरवडे ता.मावळ जि पुणे  ९७६२१८१७०६

आपला अॅप आजच अपडेट करून घ्या हया लिंक वरून हया अपडेट मध्ये अॅप मध्ये अॅड लोड होणार नाही https://play.google.com/store/apps/details?id=com.umesh.apk

अॅपमधील बरेचसे घटक आमच्या शिक्षकमित्रांच्या संकेतस्थळावरून घेतलेले आहेत त्या सर्वांचे आम्हीं आभारी आहोत अनावधानाने आपल्या नावाचा उल्लेख राहील असल्यास क्षमस्व